ഓങ്ങല്ലൂർ: നവരാത്രി ആഘോഷത്തിന്റെ ഭാഗമായി ഓങ്ങല്ലൂർ ശ്രീ കടപ്പറമ്പത്തുകാവ് ഭഗവതി ക്ഷേത്രത്തിൽ സംഗീതോത്സവം നടന്നു.
ദേവീകൃഷ്ണ പുലാമന്തോൾ അവതരിപ്പിച്ച കഥകളി സംഗീതത്തോടെ പരിപാടികൾ ആരംഭിച്ചു. തുടർന്ന് തിരുവനന്തപുരം വനിതാ കോളേജ് അസിസ്റ്റന്റ് പ്രൊഫസറായ ശ്രീമതി ജാസ്മിൻ ഒറ്റപ്പാലത്തിന്റെ സംഗീത കച്ചേരിയും അരങ്ങേറി.
ദേവീ സന്നിധിയിൽ 100-ലധികം സംഗീതജ്ഞർ പങ്കെടുത്ത സംഗീതാർച്ചനയാണ് പ്രധാന ആകർഷണമായത്. വൈകീട്ട് 6 മണി വരെ പരിപാടികൾ നീണ്ടുനിന്നു. തുടർന്ന് നവരാത്രി ദിവസങ്ങളിൽ നടന്നുവരുന്ന കലാപരിപാടികളും അരങ്ങേറി.
*വിജയദശമി ദിനത്തിൽ എഴുത്തിനിരുത്തൽ*
ഒക്ടോബർ 11-ന് ക്ഷേത്രത്തിൽ ആരംഭിച്ച നവരാത്രി ആഘോഷങ്ങൾ ഒക്ടോബർ 21-ന് വിജയദശമി ദിനത്തിൽ അവസാനിക്കും.
വിജയദശമി ദിനത്തിൽ മുൻ പ്രധാനാധ്യാപകനും ഓങ്ങല്ലൂർ ഗ്രാമപഞ്ചായത്ത് മെമ്പറുമായ ഉണ്ണികൃഷ്ണൻ മാസ്റ്ററുടെയും പള്ളിപ്പുറത്ത് കളരിക്കൽ ഹരിഹര പണിക്കരുടെയും നേതൃത്വത്തിൽ കുരുന്നുകൾക്ക് എഴുത്തിനിരുത്തൽ ചടങ്ങ് നടക്കും. അന്നേ ദിവസം വാഹനപൂജയ്ക്കുള്ള സൗകര്യവും ക്ഷേത്രത്തിൽ ഉണ്ടായിരിക്കും.
*ഇതും വായിക്കുക:* <a href=”https://samakalikamonline.in/%e0%b4%b0%e0%b4%be%e0%b4%af%e0%b4%bf%e0%b4%b0%e0%b4%a8%e0%b5%86%e0%b4%b2%e0%b5%8d%e0%b4%b2%e0%b5%82%e0%b5%bc-%e0%b4%ae%e0%b4%b2%e0%b4%95%e0%b4%af%e0%b4%b1%e0%b5%8d%e0%b4%b1%e0%b4%a4%e0%b5%8d%e0%b4%a4/”>രായിരനെല്ലൂർ മലകയറ്റത്തിനെത്തിയ യുവാവ് കുഴഞ്ഞുവീണ് മരിച്ചു</a>